aishwarya rai

బాలీవుడ్‌లో సూపర్‌హిట్‌గా నిలిచిన ‘అంధాదున్’ సినిమాపై దక్షిణాది సినీ పరిశ్రమ ఆసక్తి కనబరుస్తోంది. ఇప్పటికే ఈ సినిమాను తెలుగులో రీమేక్ చేసేందుకు నితిన్ ఓకే చెప్పిన సంగతి తెలిసిందే. ఇందులో టబు పాత్రలో తమన్నా నెగిటివ్ షేడ్స్ ఉన్న పాత్రలో నటిస్తుండగా, నభానటేష్‌ను హీరోయిన్‌గా ఓకే చేసేశారు. ఈ సినిమాను తమిళంలో రీమేక్ చేస్తున్నట్లు సీనియర్ హీరో ప్రశాంత్ తండ్రి, ప్రముఖ నిర్మాత తియగరాజన్ ప్రకటించారు. ఇందులో హీరోగా ప్రశాంత్ నటిస్తుండగా, టబు పాత్ర కోసం మాజీ విశ్వసుందరి ఐశ్వర్యారాయ్ బచ్చన్‌ను సంప్రదించినట్లు తియగరాజన్ తెలిపారు.

‘ఈ సినిమాలో టబు పాత్ర కోసం ఐశ్వర్యరాయ్‌తో చర్చలు జరుపుతున్నాం. ఇప్పటివరకు ఆమె నుంచి ఎలాంటి రెస్పాన్స్ రాలేదు. ఐశ్వర్య ఓకే చెబితే మాత్రం 22ఏళ్ల తర్వాత మళ్లీ ప్రశాంత్, ఐశ్వర్యను కలిసి సిల్వర్‌స్ర్కీన్‌పై చూడొచ్చు’ అని జాతీయ మీడియాతో చెప్పారు. ప్రముఖ దర్శకుడు శంకర్ తెరకెక్కించిన ‘జీన్స్’ సినిమాలో 1998లో విడుదలైంది. అందులో ప్రశాంత్, ఐశ్వర్యరాయ్ జోడీగా నటించారు. బ్లాక్‌బస్టర్ హిట్‌గా నిలిచిన ఆ చిత్రం ఇద్దరికీ మంచి బ్రేక్ ఇచ్చింది. దీంతో ఇప్పుడు వారిద్దరు కలిసి నటించనున్నారన్న వార్త కోలీవుడ్‌లో హాట్ టాపిక్‌గా మారింది.

Leave a Reply

Your email address will not be published. Required fields are marked *