nikki galrani tested covid 19 positive

ఇప్పటికే ఇండస్ట్రీకి సంబంధించిన చాలా మంది సెలబ్రిటీలకు కరోనా వ్యాధి సోకగా.. ప్రముఖ హీరోయిన్ నిక్కీ గల్రానీ కరోనా బారిన పడ్డారు. ఈ విషయాన్ని ట్విట్టర్ ద్వారా తెలియజేస్తూ.. కరోనా పాజిటివ్ అని తేలిందని.. తన ఆరోగ్య పరిస్థితి బాగానే ఉందని తెలిపింది నిక్కీ గల్రానీ. ఈ వ్యాధి లక్షణాలు ఎలా ఉంటాయో స్వయంగా అనుభవిస్తున్నానని.. తనకు గొంతు నొప్పి, జ్వరం, రుచి, వాసన కోల్పోవడం వంటి లక్షణాలు ఉన్నాయన్నారు. అయితే ఇంట్లోనే ఉండి చికిత్స తీసుకుంటున్నానని.. తన ఆరోగ్యం మెరుగుపడుతుందని తెలియజేశారు నిక్కీ గల్రానీ.

ఈ సందర్భంగా కరోనా వ్యాప్తి చెందకుండా జాగ్రత్తలు పాటించాలని కోరారు నిక్కీ గల్రానీ. తాను పూర్తి ఆరోగ్యం ఉండటంతో కరోనా వచ్చినా బయటపడతాననే నమ్మకం ఉందని.. అయితే వయసు ఎక్కువగా ఉన్న తన పేరెంట్స్‌కి వచ్చి ఉంటే పరిస్థితి వేరేలా ఉండేదని.. దయచేసి వ్యాధి లక్షణాలు ఉన్నా లేకున్నా మాస్క్‌లు ధరించి భౌతిక దూరం పాటించాలని కోరారు నిక్కీ గల్రానీ. మన ఆరోగ్యం కోసమే కాకుండా సమాజం గురించి ఆలోచించాల్సిన సమయం ఇదే అని.. శారీరకంగా బలంగా ఉండటంతో పాటు మానసికంగా ఆరోగ్యంగా ఉండాలన్నారామె. తన ఆరోగ్యం కుదటపడాలని ప్రార్ధిస్తున్న వారికి ధన్యవాదాలు తెలిపింది నిక్కీ గల్రానీ. తెలుగులో కృష్ణాష్టమి, మరకటమణి చిత్రాల్లో నటించారు నిక్కీ గల్రానీ. అయితే హీరో ఆది పినిశెట్టితో ఎఫైర్ ఆమెను ఇండస్ట్రీ వర్గాల్లో పాపులర్ చేసింది.