Prabhas in Salaar

పాన్‌ ఇండియా స్టార్‌ ప్రభాస్‌, ‘కె.జి.యఫ్’ డైరెక్టర్ ప్రశాంత్‌ నీల్‌ కాంబినేషన్‌లో సినిమా వచ్చేస్తోంది. ‘కె.జి.యఫ్’ ఫ్రాంచైజ్‌ను నిర్మించిన అగ్ర నిర్మాణ సంస్థ హోంబలే ఫిలింస్‌ ఈ సినిమానూ నిర్మిస్తోంది. ఈ పాన్‌ ఇండియా మూవీకి ‘సలార్’ అనే టైటిల్‌ను ఖరారు చేశారు. ఈ మేరకు బుధవారం అధికారిక ప్రకటన వెలువడింది. ప్రభాస్ లుక్‌ను కూడా విడుదల చేశారు. ఈ ఫస్ట్ లుక్ పోస్టర్‌లో ప్రభాస్ లుక్ చాలా డిఫరెంట్‌గా ఉంది. గుబురుగా మీసాలు ఉన్నాయి. గన్‌ను నిటారుగా నిలబెట్టి దానిపై చేయి ఆన్చి చాలా టీవీగా కూర్చున్నారు ప్రభాస్.

Image

తమ కొత్త సినిమాను ప్రకటించిన సందర్భంగా నిర్మాత విజయ్‌ కిరగందూర్‌ మాట్లాడుతూ.. ‘‘మా బ్యానర్‌లో కె.జి.యఫ్‌ చాప్టర్‌ 1, కె.జి.యఫ్‌ చాప్టర్‌ 2 వంటి పాన్‌ ఇండియా చిత్రాల తర్వాత మూడో పాన్‌ ఇండియా చిత్రాన్ని రూపొందించబోతున్నాం. అటు ప్రేక్షకులు, ఇటు విమర్శకుల ప్రశంసలు అందుకున్న దర్శకుడు ప్రశాంత్‌ నీల్‌ ఈ సినిమాను రూపొందించనున్నారు. బాహుబలిగా ప్రపంచ సినీ ప్రేక్షకులను అలరించిన పాన్‌ ఇండియా స్టార్‌ ప్రభాస్‌ ఈ చిత్రంలో హీరోగా నటిస్తున్నారు. వచ్చే ఏడాది జనవరిలో సినిమా షూటింగ్‌ను స్టార్ట్‌ చేయబోతున్నాం. ఇప్పుడు ప్రభాస్‌ చేస్తున్న ‘రాధేశ్యామ్‌’ విడుదల తర్వాత మా సినిమాను విడుదల చేసేలా ప్లాన్‌ చేస్తున్నాం. ప్యాన్‌ ఇండియా మూవీగా రూపొందనున్న ‘సలార్’ చిత్రాన్ని భారతీయ భాషలన్నింటిలో రూపొందిస్తాం’’ అని వెల్లడించారు.

Leave a Reply

Your email address will not be published. Required fields are marked *