AP Assembly

ఏపీ అసెంబ్లీ రెండో రోజూ వాడీ-వేడిగా జరుగుతోంది. హౌసింగ్‌పై చర్చకు టీడీపీ ఇచ్చిన వాయిదా తీర్మానాన్ని స్పీకర్‌ తమ్మినేని సీతారాం తిరస్కరించారు. ఈ అంశంపై చర్చించేందుకు ప్రభుత్వమే అజెండాలో పెట్టినందున వాయిదా తీర్మానాన్ని తిరస్కరిస్తున్నట్టు స్పీకర్‌ ప్రకటించారు. అయినా టీడీపీ సభ్యులు పట్టువీడకుండా సభా కార్యకలాపాలను పదే పదే అడ్డుకోవడంతో స్పీకర్‌ ఆగ్రహం వ్యక్తం చేశారు. ప్రతిసారి ఇలా గందరగోళం సృష్టించడం సమంజసం కాదని హితవు పలికారు. ఆ తర్వాత పంటల ఇన్స్యూరెన్స్‌కు సంబంధించి చర్చ జరిగింది. డిసెంబర్ 15న ఇన్స్యూరెన్స్ డబ్బుల్ని విడుదల చేస్తామని ఇప్పటికే క్లియర్‌గా చెప్పినా టీడీపీ డ్రామాలాడుతోంది ముఖ్యమంత్రి వైఎస్ జగన్ అన్నారు.

గతంలోనే డిసెంబర్ 15న డబ్బులు చెల్లిస్తామని క్లియర్‌గా చెప్పామని.. గత ప్రభుత్వం చెల్లించాల్సిన డబ్బులు కూడా తమ ఇచ్చామన్నారు. టీడీపీ ఉద్దేశపూర్వకంగా సభను పదే, పదే అడ్డుకుంటుందని మండిపడ్డారు. జగన్ అనే వ్యక్తి ఏదైనా చెప్పారంగే తప్పకుండా చేస్తారన్నారు. చంద్రబాబు మాత్రం చెప్పారంటే అసలు చేయరన్నారు. రెండు రోజులుగా సభను అడ్డుకునే ప్రయత్నం చేస్తున్నారు.. చాలా బిల్లుల్ని ప్రవేశ పెట్టాల్సి ఉందన్నారు. అవసరమైతే టీడీపీ సభ్యుల్ని బయటకు పంపి సభను కొనసాగించాలన్నారు. దీంతో టీడీపీ సభ్యులు స్పీకర్ పోడియం దగ్గర నిరసన తెలిపారు.దీంతో ఎమ్మెల్యే నిమ్మల రామానాయుడుపై స్పీకర్ తమ్మినేని మండిపడ్డారు. ఆ వెంటనే సభా కార్యక్రమాలకు అడ్డు తగిలినందుకు ఆయన్ను సభ నుంచి సస్పెండ్ చేసేందుకు తీర్మానం ప్రవేశపెట్టి.. ఆయన్ను మంగళవారం ఒక్క రోజు సభ నుంచి సస్పెండ్ చేశారు.

Leave a Reply

Your email address will not be published. Required fields are marked *