corona cases in telangana

తెలంగాణ రాష్ట్ర వ్యాప్తంగా కరోనా కేసులు 2 లక్షలు దాటేశాయి. నిన్న రాత్రి 8 గంటల వరకు ఉన్న అప్ డేట్ ప్రకారం కొత్తగా 1,335 పాజిటివ్‌ కేసులు నమోదయ్యాయి. దీంతో మొత్తం ఇప్పటి వరకు నమోదైన కేసుల సంఖ్య 2,00,611కి చేరింది. ఇకపోతే కరోనా కారణంగా మరో 8 మంది చనిపోయారు. దీంతో మొత్తం కరోనా మరణాల సంఖ్య 1171కు చేరింది. ఈమేరకు వైద్య ఆరోగ్యశాఖ సోమవారం ఉదయం బులిటెన్‌ విడుదల చేసింది. కరోనా బారి నుంచి నిన్న ఒక్క రోజే 2,176 మంది కోలుకున్నారు. దీంతో ఇప్పటివరకు కోలుకున్న బాధితుల సంఖ్య 1,72,388కి చేరింది.

రాష్ట్రంలో ప్రస్తుతం 27,052 యాక్టివ్‌ కేసులు ఉన్నాయి. వారిలో 22,134 మంది హోం ఐసోలేషన్‌లో చికిత్స పొందుతున్నారని వైద్య ఆరోగ్యశాఖ తెలిపింది. మరోవైపు జీహెచ్‌ఎంసీ పరిధిలో 262 మందికి పాజిటివ్‌ నిర్ధారణ అయ్యింది. అయితే గడిచిన వారం రోజుల్లో కరోనా కేసులు ఒకే స్థాయిలో నమోదవుతున్నాయి. పెరుగుదలలో కానీ, తగ్గుదలలో కానీ పెద్ద మార్పు కన్పించడం లేదు.