Democratic Indian American lawmakers re-elected

US Elections 2020 : అమెరికా అధ్యక్ష ఎన్నికల్లో డెమొక్రాటిక్ పార్టీ తరఫున ప్రతినిధుల సభకు పోటీచేసిన నలుగురు భారతీయ సంతతి వ్యక్తులు రెండోసారి విజయం సాధించారు. ప్రమీలా జయపాల్, రాజా కృష్ణమూర్తి, రో ఖన్నా, డాక్టర్ అమి బేరా మళ్లీ గెలుపొందారు. ఎనిమిదో కాంగ్రెషనల్ డిస్ట్రిక్ట్ ఆఫ్ ఇల్లినాయిస్ నుంచి రాజా కృష్ణమూర్తి సమీప ప్రత్యర్ధి లిబర్టేరియన్ పార్టీ అభ్యర్థి ప్రెస్టన్ నెల్సన్‌‌పై సంపూర్ణ ఆధిక్యత ప్రదర్శించారు. ఇక్కడ రెండోసారి పోటీ చేసిన రాజా కృష్ణమూర్తి 71 శాతానికిపైగా ఓట్లను సాధించారు.

425444.jpg

ఏడో కాంగ్రెషనల్ డిస్ట్రిక్ట్ ఆఫ్ కాలిఫోర్నియా నుంచి బరిలోకి దిగి డాక్టర్ అమి బెరా ప్రత్యర్థి రిపబ్లికన్ పార్టీ అభ్యర్థి బజ్ ప్యాటర్‌సన్‌‌పై గెలిచారు. 17వ కాంగ్రెషనల్ డిస్ట్రిక్ట్ ఆఫ్ కాలిఫోర్నియాలో డెమొక్రాట్ అభ్యర్థిగా పోటీపడిన రో ఖన్నా..రిపబ్లికన్ అభ్యర్థి రితేశ్ టాండన్‌పై విజయం సాధించారు. ఏడో కాంగ్రెషనల్ డిస్ట్రిక్ట్ ఆఫ్ వాషింగ్టన్ నుంచి ప్రమీలా జయపాల్ గెలుపు బావుటా ఎగురేశారు. రిపబ్లికన్ పార్టీ అభ్యర్థి క్రైగ్ కెల్లర్‌ను ఓడించారు.

ఆరిజోనాలో డాక్టర్ హిరల్ త్రిపురనేని అధిక్యంలో ఉన్నారు. ఈ స్థానంలో హిరల్ విజయం సాధిస్తే ఇక్కడ నుంచి ప్రతినిధుల సభకు ఎన్నికైన రెండో భారతీయ సంతతి మహిళగా రికార్డులకెక్కుతారు. గత ఎన్నికల్లో జయపాల్ (55) ఈ స్థానంలో విజయం సాధించారు. ఇక, ప్రస్తుతం ఎన్నికల్లో విజయం సాధించిన నలుగురు ప్రత్యర్ధులను సునాయాసంగా మట్టికరిపించారు.

Leave a Reply

Your email address will not be published. Required fields are marked *