Dhoni to send vegetables from his farmhouse to Dubai

Dhoni : 2019, ఆగస్టులో అంతర్జాతీయ క్రికెట్‌కి రిటైర్మెంట్ ప్రకటించిన ధోనీ.. ఇప్పుడు తన ఫామ్‌ హౌస్‌లో కూరగాయాలు పండించడంపై పూర్తి స్థాయిలో దృష్టి సారించినట్లు తెలుస్తోంది. ఈ మేరకు ఇప్పటికే 10 ఎకరాల్లో టమోట, క్యాబేజీతో పాటు వివిధ రకాల కూరగాయాల పంట వేసిన మాజీ కెప్టెన్.. వాటిని యూఏఈకి ఎగుమతి చేస్తున్నట్లు తాజాగా వెలుగులోకి వచ్చింది. టీమిండియా‌కి ఆడే రోజుల్లో వివిధ బ్రాండ్‌లకి ధోనీ ప్రచారకర్తగా ఉండగా.. యూఏఈలో ఇప్పుడు ధోనీ కూరగాయాలకి ఓ బ్రాండ్ ఏర్పడినట్లు తెలుస్తోంది.

MS Dhoni to send vegetables from his farm house to Dubai

రాంచీలోని రింగ్ రోడ్డు వద్ద ఉన్న సెంబో గ్రామంలో ధోనీకి 43 ఎకరాల ఫామ్‌హౌస్ ఉంది. అందులోని 10 ఎకరాల్లో ధోనీ పండించిన పంటలని ఇటీవల పరిశీలించిన జార్ఖండ్ వ్యవసాయ శాఖ అధికారులు.. రాంచీ నుంచి ఆ పంటని యూఏఈకి ఎగుమతి చేసే బాధ్యతని తీసుకున్నట్లు ఇండియా టుడే ఓ కథనాన్ని ప్రచురించింది. అక్కడి ఏజెన్సీలు కూడా ధోనీ పంటని కొనుగోలు చేసేందుకు పెద్ద ఎత్తున మొగ్గు చూపుతున్నట్లు కూడా అందులో పేర్కొంది. సేంద్రీయ పద్ధతిలో ఆ పంటలను సాగు చేస్తుండటమే ఆ డిమాండ్‌కి కారణమట.

ధోనీ తన ఫామ్‌ హౌస్‌లో కూరగాయాలతో పాటు ఆర్గానిక్ ఫౌల్ట్రీ ఫామ్‌ని కూడా ప్రారంభించనున్నాడు. మధ్యప్రదేశ్‌లోని భీమ్‌లాంచల్ ప్రాంతానికి చెందిన కడక్‌నాథ్ కోళ్ల పెంపకంపై ఈ మాజీ కెప్టెన్ దృష్టి సారించబోతున్నాడు. ఈ మేరకు ఇప్పటికే దాదాపు 2000 కోడి పిల్లల కోసం అతను ఆర్డర్ కూడా ఇచ్చినట్లు తెలుస్తోంది.

Leave a Reply

Your email address will not be published. Required fields are marked *